MILLJÓN BÖRN MEÐ RISASTÓRT MARKMIÐ - AÐ BJARGA ÖMMU OG AFA!

FAST hetjurnar er margverðlaunað fræðsluverkefni sem miðar að því að auka vitund um einkenni heilaslags og mikilvægi þess að bregðast hratt við. Verkefnið nýtir einstakan áhuga og hæfileika barna til að læra og miðla þekkingu áfram. Börnin eru hvött til að deila því sem þau læra í verkefninu með fjölskyldu sinni og sérstaklega með ömmum sínum og öfum. Þegar fólk fær heilaslag skiptir tíminn miklu máli og mikilvægt er að fá viðeigandi læknisaðstoð eins fljótt og auðið er. Aukin þekking á einkennum heilaslags og réttum viðbrögðum getur því bjargað mannslífum.